Les techniques de fabrication retrouvées de la harpe celtique médiévale pour un son unique

        Ur benveg peurechu gant kantvedoù a bleustr e oa telenn Breizh en he hoal aour. He son dispar a zeu eus ur skiant kozh adkavet gant ar stal labour Herrou.

Sekredoù ar son

Kleuzet en ur pezh koad

       Hervez an hengoun, e vez kleuzet kef dasson an delenn en un tamm koad nemetañ, prennet en a-dreñv gant ur bladenn goad, ar c’hein.

       Paket mat asambles hep takenn beg ebet e vez ar peder c’hoadenn (ar peul, ar grommell heson, ar c’hef hag ar c’hein), pezh a lez an delenn dieub da froumal.

La caisse, le dos, la console, le pilier sont sculptés dans un bloc de bois

Ar c’hoad

       E koad haleg ruz* e vez graet ar c’hef dasson, ur c’hoad a oa bet implijet e-pad kantvedoù evit al labour-se.

       Ur son dibar a ro ar c’hoad-se, hag an hini gwellañ eo evit derc'hel penn da stegnadur start ar c’herdin, a drugarez d’e neudennoù plezhennet strizh.

       Tennet e vez ar peul hag ar grommell eus koadoù start ha nervus evel an ivin, an derv pe c’hoazh an haleg.

Le saule rouge traditionnellement destiné à la fabrication des harpes celtique depuis l’antiquité
Bois de saule rouge
Immersion des pièces de harpe celtique historiques dans la tourbe riche en silice

An taouarc’h

       Araok bezañ lakaet asambles e vez soubet koadennoù an delenn en taouarc’h e-pad un neubeut mizioù evit kargañ anezho gant eoul ha mineralioù, danvez-kailhastr** dreist-holl. Gant se e vo strinkoc’h ha donoc’h son flour ha plijus an haleg.

       Ouzhpenn-se e vo aesoc’h an toniañ, stabiloc’h an delenn, ha padusoc’h ar c’hoad.

Stéphane BDC

Ar c’herdin

        Kordet e vez hon telennoù gant kerdin arem, hag a ro ur son skedus leun a gensonioù***, hini ar bempedell**** dreist holl.

        Ur son flour ha buhezek war un dro a ro ar c’herdin-se. O fadusted dispar a blijo d’an delennourien e-pad meur a vloavezh.

        Kerdin aour a c’hell bezañ implijet er strad evit sonioù boud sklaeroc’h c’hoazh.

        E traoñ ar c’herdin, e vez lakaet “houarnioù kezeg” orjal, morzholet dre zorn, evit gwareziñ ar c’hoad ha treuzkas an daskren. Houarnioù kezeg argant a c’heller dibab evit ur son fin hag aerel.

Les cordes des harpes celtiques historiques en bronze, les cavaliers en laiton martelés
Les décorations des harpes Herrou, enluminure celtiques traditionnelles pyrogravées d’après la Queen Mary Harp

Un c'haeradur hengounel

       Kinklet eo hon telennoù gant ur c'haeradur hengounel tanengravet. Peurechuet eo an delenn gant ar c'hlinkerezh fonnus-mañ, treset hervez ar benveg istorel Queen Mary Harp, ha gantañ e vez digoret ur gwir levr war ar speredelezh keltiek.

Hep he far

       Galloud a rit dibab ur maen, “lagad an delenn”, a vo staget war tal ho telenn.

       Moaien zo deoc'h reiñ un anv diouzh ho c'hoant d'ho telenn; neuze e vo tanengravet  an anv-se war chouk ho telenn.

* Saule marsault

** Silice

*** Harmonique

****Quinte

Harpes personnalisées, personnalisation des harpes par le choix d’une pierre et d’un nom